Augòngen de vraischòft “Artikl 6”, de vraischòft [...]
Augatu' der bando va “Drai konkursn ver a sproch”
“De bèlt um ins”: abia as ist gòngen der convegno
Europeische To van sprochen
Esam va bersntolerisch: augatu' de zaitn ver za schraim [...]
Trèffen “Autorn kan Filzerhof”
Bersntoler Kulturinstitut: de Provinzaljunta hòt [...]
Projekt BKI “Kenn van taitsch”
An bando ver za learnen s taitsch, en Sudtirol, Osterraich ont Taitschlònt (Al via oggi la collaborazione tra il Dolomiti è l'Istituto culturale mocheno di Palù del Fersina: una sezione dedicata con articoli e approfondimenti in lingua mochena)
Prende il via oggi una collaborazione tra il Dolomiti è l'Istituto culturale mocheno di Palù del Fersina volta a proporre, in una sezione dedicata, articoli e approfondimenti in lingua mochena
PALÙ DEL FERSINA. S Bersntoler Kulturinstitut stitzt an bando ver de bersntoler gamoa'schòft: petn doi bando, de kostn van kursn ver za learnen s taitsch kemmen zaruckgem. Der ist a mogleket iberhaup ver junga, as lem en oa'n van doin bersntolern gamoa'n: Vlarotz, Palai en Bersntol, Garait. Sech ber va glaimer bos as der doi projekt ist.
Der ist an studiarloa' ver de sèlln as nemmen toal en kursn oder en òndera projektn as taitsch, organisiart en privat oder en òllgamoa'institutn, en Sudtirol, en Osterraich oder en Taitschlònt. S Bersntoler Kulturinstitut derkennt aa de kandidatn as belln toalnemmen en kursn va taitsch organisiart va institutn va u'lear, va schualn, ont en kursn as learnen eppes ònders (musik, teater...), ober as kemmen gamòcht as taitsch. S Institut derkennt aa de toalnemm en kursn va taitsch online. De kursn miasn bern almen a boch, ont zan mearestn drai. Der doi bando kimmp gamòcht gèltsgott en der zuazol va de Autonome Region Trentin Sudtirol.
De kandidatn as bintschn za schraim se inn en bando ober as lem nèt en Bersntol, miasn almen hom oa'n van sai'na eltern, oder an nono oder a nona, as hom galep ver mear as vinf jor oa'n no en ònder en oa'n van drai gamoa'n; der bando ist augatu' aa ver u'stelltn van Bersntoler Kulturinstitut. Derzua, de kandidatn miasn hom òlla de kritern verlònkt van innricht (schual, institut va u'lear) as organisiart der kurs. An iatn kandidat mu prauchen de unterstitz ver an oa'zegen kurs vern jor 2024. Ver de kursn online, de enteressiartn miasn verlongen de toalnemm en Bersntoler Kulturinstitut finz as de 15 van heibeger.
Der bando gip zaruck de kostn va de toalnemm en de kursn, no as sai' kemmen auspfillt ont ogem de dokumentn van institut va u'lear. De rifzaitn ver za ogem de kòrtn sai' finz as de 15 van òlderhaileng 2024; de kostn kemmen zaruckgem zan mearestn as de 31 van schantònderer 2024.
Nèt òlla de kandidatn meing kriang de doi unterstitz: s Bersntoler Kulturinstitut nimmp u' de vrong finz as de kostn gea' nèt iber der zuazol. S Institut geat no en de zaitn va de vourstell van vrong.
De enteressiartn meing vinnen mear informazionen asn sito van Bersntoler Kulturinstitut.
Riassunto dell'articolo in lingua italiana:
L'Istituto Culturale Mòcheno promuove un progetto per la partecipazione a corsi di tedesco in Alto-Adige, Austria e Germania, oltre che a corsi di tedesco online.
L'iniziativa è finalizzata a favorire la conoscenza del tedesco all'interno della comunità mòchena, ed è rivolta a soggetti residenti in uno dei tre comuni di Fierozzo, Frassilongo o Palù del Fersina, o in possesso di altri specifici requisiti legati all'appartenenza alla comunità, consultabili sulla pagina web dell'Istituto.
Il progetto consiste nell'erogazione di una borsa di studio per la partecipazione a corsi residenziali di lingua tedesca, o ad attività di alternanza scuola-lavoro che ne prevedono l'uso attivo.
